"Ана капиталы"н түләүдә янә үзгәрешләр бар

Киләсе елда ана капиталы янә индекслана. Русия гаиләләренә беренче балага 483 мең сумнан артык акча түләнәчәк.

Беренче бала тугач яисә уллыкка алынган бала белән ата-аналар 483 881,83 сум алачак. Ә икенчесе тугач - 639 431,83 сум. Әгәр гражданнарга ана капиталы 2021 елга кадәр билгеләнгән, әмма алар түләүләрдән файдаланырга өлгермәгән икән, сумма шулай ук 3,7 процентка индекслана. Тулы сумманы гына түгел, ана капиталының калганын да арттыра алалар.

Басма мәгълүматы буенча, ата-аналар алырга тиешле сумманы Русия Пенсия фонды сайтында тикшерергә мөмкин.

Фото: aif.ru