Ял итәргә теләүчеләр күп, ләкин урыннар җитми
Июнь башланды. Июнь белән бергә укучыларның җәйге каникуллары да. Бу көннәрдә чыгарылыш сыйныф укучылары бердәм дәүләт имтиханнары тапшырып азапланса, әле мондый җитди эшкә тотынмаган бәхетлеләр рәхәтләнеп җәйге лагерьларда ял итә, экскурсия һәм походларга бара, кемнәрдер хезмәт һәм мәшгульлек үзәге аша эшкә урнашып, җәен үзенә аз булса да мая тупларга планлаштыра.
