Туберкулез янәшә

Кызганычка каршы, районда бу авырудан үлү очраклары күзәтелә. 2018 елда 5 кеше үлде. Район үзәк дәваханәсенең баш табибы Галим Сабирҗанов сүзләренә караганда, ел башына диспансерлык исәбендә актив туберкулезлы 13 кеше торган. 3нче төркем буенча 23 кеше, 4нче төркем буенча 43 кеше исәптә. Район башлыгы Фаил Камаев әлеге күрсәткечләрдән ризасызлыгын белдерде. Авылларда профилактика чараларын көчәйтергә кирәклеген искәртте. Июнь башында авыл җирлекләренә күчмә флюорография хезмәте чыга. Анда беренче чиратта авыруга бирешүчән затлар чакырылачак. Туберкулезга каршы көрәштә тагын нинди чаралар билгеләнгәне һәм кайсы авыл фельдшерларына эшне көчәйтергә кирәклеге турында газетаның киләсе санында укыгыз.