Марсель Сәлимҗанов: «Озак эзләдем, әмма барыбер иң чиста суны таптым!»
Күптән түгел Тукай районында Бөтенроссия татар авыллары эшмәкәрләре җыены узды. Анда Тукай районы һәм Яр Чаллы шәһәре буенча «Суык-Су» артезиан суы автоматлары булдырган эшмәкәр Марсель Сәлимҗанов та катнашты. Россиянең төрле төбәкләреннән тәҗрибә уртаклашырга килгән эшкуарлар Марсель Рафисовичны сорауларга күмделәр. Аларның күбесе су сату буенча бизнесны үзләренең регионында да булдырасы килүләрен әйтте. Тукай районы эшмәкәре белән без дә әңгәмә кордык. Аның су сату буенча идеясе каян барлыкка килүе турында да кызыксындык.
