«Баллы бәйрәм»гә килегез!

Билгеле булганча, елның иң баллы бәйрәме 17 августта, Чаллының «Энергетик» мәдәният сарае каршында оештырыла. Биредә умартачыларның һәм хуҗабикәләрнең һөнәри осталыклары сыналып,«Умарталык патшасы», «Умарталык патшабикәсе», «Иң матур композиция» һәм «Иң үзенчәлекле кайнатма әзерләүче хуҗабикә» номинацияләре буенча җиңүчеләр билгеләнәчәк. Шунда ук елның беренче балыннан авыз итеп карау, ярминкәдә бал һәм башка татлы продукция сатып алу мөмкинлеге дә булачак. Концерт программасында танылган эстрада йолдызлары – Илһам Шәриф, Мөнир Рахмаев, Илнур Мусин, Хәмдүнә Тимергалиева чыгышлары көтелә. 

Үзләренең осталыкларын күрсәтергә теләүче умартачылардан һәм хуҗабикәләрдән гаризалар 
14 августка кадәр 
8 917 907-70-04 һәм 70-16-86 телефон номерлары аша кабул ителә.