Соңгы кыңгырау – 2020

Бу көн Тукай районы мәктәпләренең XI сыйныфын тәмамлаучы 91 укучы һәм IX сыйныфны бетерүче 324 бала өчен дә бәйрәм булды. Акциягә кушылган педагоглар чыгарылыш сыйныф укучыларын котлап, үзләренең мәктәп елларын искә төшерделәр. Чыгарылыш сыйныф укучылары да укытучыларын һәм яшьтәшләрен бәйрәм белән тәбрикләделәр, бер-берсенә матур теләкләрен җиткерделәр. Бәйрәм акциясе «Күңелле чакларның барысын да искә төшерик һәм соңгы кыңгырау белән яңа офыклар ачып җибәрик» дигән девиз белән узды.