«Ел укытучысы»

admin, 25 гыйнвар 2019 - 09:45

1144

Районда «Татарстан Республикасының ел укытучысы – 2019» конкурсының муниципаль этабы тәмамланды.

Конкурста барлыгы 27 педагог катнашты, шуларның 10ысы финалга үтте. Шушы көннәрдә Бәтке авылында җиңүчеләрне билгеләделәр. «Ел укытучысы» номинациясендә Теләнче Тамак мәктәбенең физика укытучысы Резеда Гайнетдинова hәм Новотроицкое мәктәбенең инглиз теле укытучысы Лилия Юнысова җиңү яулады. «Педагог дебюты» номинациясендә Новотроицкое мәктәбенең тарих hәм җәмгыять белеме укытучысы Семен Вотяков җиңде. Муниципаль этап җиңүчеләре 6, 7 февраль көннәрендә Минзәлә шәhәрендә зона этабында район данын яклаячаклар.