Тукай КВНчылары Чаллы сәхнәсендә

admin, 17 июнь 2021 - 15:34

852

Аяз Гыйләҗев исемендәге Чаллы татар драма театрында Фәридә Таштабанова исемендәге «Әйдә, шаярт!» җәйге кубогына багышланган бәйге үтте. Анда Тукай, Зәй, Минзәлә, Саба, Мөслим районнары һәм Чаллы, Казан, Мәскәүдән килгән командалар көч сынашты. Нәтиҗәдә җинү «Зәй әбисе» (Зәй районы) төркеменә насыйп булды.

Тукай районы командасына килгәндә, бик тиздән, 23 июньдә, егет-кызларыбыз Казанда «Сәйдәш» мәдәният үзәгендә узачак Татар КВН лигасы финалында уйнаячак. Чемпион исеме өчен Мәскәүдән «Понаехали», Казаннан керәшеннәр җыелма командасы һәм «Зәй әбиләре» көрәшәчәк.