Илһам Шакиров җырлары очраштыра

Теләнче Тамак авылы мәдәният йорты хезмәткәрләре мәктәп укучылары өчен әзерләгән кичәдә Илһам Шакировка багышланган шигырьләр, аның башкарган җырлары яңгырады. Очрашуга җырчының якын туганы – абыйсының малае Флүр Кыяметдин улы кунак булып килгән иде. Ул Илһам абыйсы турында сөйләде, шулай ук аның репертуарында булган җырларны башкарды. Яңа Бүләк авылы мәдәният йортының сәнгать җитәкчесе Нәзир Гыймазетдинов та кичәдә Илһам Шакировның онытылмас әсәрләрен яңгыратты. Хушлашыр алдыннан кунаклар балалар белән бергәләп «Туган тел»не җырладылар.

Фото Венера Зариповадан алынды.