«Балкыш»ның финалы якынлаша

Бүген Тукай районы финалистларының чыгышлары видеотасмага төшерелә. Фестивальнең сайлап алу һәм муниципаль этаплары февраль аенда узды. Район үзешчән сәнгать осталары арасыннан зона этабына чыгучылар 21 февраль көнне Борды мәдәният йортында ачыкланды. Бүген алар видеоязма әзерләү өчен тамашачылардан башка гына сәхнәдә чыгыш ясыйлар. Исегезгә төшерәбез, фестивальнең зона турына район иҗат коллективлары арасыннан «Асылъяр» (Иске Абдул) һәм «Сударушка» (Кече Шилнә) ансамбльләре, аерым башкаручылардан Зөлфия Җиһан (Борды), Гыйздулла Вәлиуллин (Иске Дөреш), Рафис Хәсәнов (Күзкәй) чыктылар.