Олимпиадалар дәвам итә 

Ул Бөтенроссия олимпиадасының муниципаль этабы буларак 12 ноябрьдә башланган иде. Мәктәп укучылары 29 предмет буенча көч сынаша. Бүген алар, мәсәлән, география фәненнән белемнәрен сыный. Олимпиада эшләрен комиссия икенче көнне тикшереп бәяли. Инде хәбәр иткәнебезчә, предметлар буенча комиссияләр мәгариф идарәсе методистлары рәислегендә эшли. Олимпиадалар Түбән Суыксу урта гомуми белем бирү мәктәбе базасында үтә. Биредә катнашучылар һәм үткәрүчеләр өчен бөтен шартлар булдырылган, санитария таләпләре үтәлә. Мәктәп укучыларынң олимпиадасы 23 декабрьгә кадәр дәвам итә.