Авырлыктан соң җиңеллек килде
Муллахмәт сугыштан кайткан дигән шатлыклы хәбәр тиз арада Мерәсне әйләнеп чыга. Утлар, сулар һәм... җиз торбалар аша үтеп исән калган! Җиз торбалар аша түгел, канализация торбасы аша дүрт чакрым үтеп, әсирлектән качып котылган. Менә монысы хакында ул баштагы елларда беркемгә, хәтта иң якын кешеләренә дә сөйләми. Илдә власть алышынгач, әсирлектә булган совет сугышчыларының гаепсез булулары ачыкланып, алар аклангач, байтак еллар үткәч кенә, Муллахмәт аганың «теле бераз гына чишелә». Анда да кызы Нәсирәгә: «Балам, сорашма, сөйләмим», – дип әйтә торган була.
Якты юл
