“Күңел ишекләрем ачык”
Көз аеның матур бер көнендә Калмаш авылы мәдәният йортында,әлеге авылда туып- үскән Кәүсәрия Әхәт кызы Ямалиеваның (Шадаева) «Гомерем агышлары» дип исемләнгән иҗат кичәсе булды. Калмаш мәдәният йорты ишегендә авыл халкын бәйрәмгә чакырып белдерү, фойеда К. Ямалиеваның авыл, туган як турында язган шигырьләре, Калмаш авылы башлангыч сыйныф укучылары ясаган шигъри күренешләргә рәсем күргәзмәсе каршы ала. Стенада ромашкалардан “Гомерем агышлары” дип язылган. Сәхнә көз аеның матур- матур чәчәкләре, “мәхәббәт алмасы” тулы кәрзиннәр белән бизәлгән...
