Җирнең җанынын тоеп, тырыш хезмәт куеп
Булдыклы, сәләтле, үз һөнәрен биш бармагыдай белүче һәм эшен җиренә җиткереп башкаручы белгечне күрә белү һәм аның хезмәтен югары бәяләү – сирәк җитәкчедә була торган сыйфат. «Гигант» ҖЧҖе директоры Риф Хәниф улы Имамов – әнә шундый асыл сыйфатларга ия шәхес. – Агроном – җиргә береккән кеше. Бәхеткә, менә шундый сыйфатка ия булган белгечебез бар. Аның хакында асыл, матур сүзләр генә әйтергә була, – дип җәмгыятьнең агрономы Рамил Хәлил улы Сәгъдиев белән таныштырды «Гигант» ҖЧҖе директоры Риф Имамов.
