Ветераннарга нефть компаниясеннән бүләк

admin, 5 май 2021 - 11:15

713

Бөек Ватан сугышында Җиңүнең 76 еллыгын билгеләп үтү кысаларында ветераннарны, сугыш елы балаларын тәбрикләүләр дәвам итә. «Татарстанның кече нефть компаниясе» ҖЧҖ генераль директоры Тимур Шәймиев та әлеге чарага кушылып, Тукай районы ветераннарына үз бүләкләрен ясады.

Компания вәкиле Лидия Мозаффарова райондагы Бөек Ватан сугышы ветераннарының өйләрендә булып, аларны бәйрәм белән котлады, өлкәннәр белән аралашты, аннары азык-төлек җыелмалары тапшырды. Лидия Мозаффарованы районның «Шәфкать» халыкка социаль ярдәм күрсәтү үзәгенең өйгә йөреп хезмәт күрсәтү бүлеге мөдире Гөлнур Исмәгыйлева озатып йөрде.
Ветераннарыбыз һәм аларның гаиләләре һәр елны үзләрен искә алганы, игътибары өчен Тимур Шәймиевка рәхмәтләрен белдерделәр.