Җәйләүләр әзерме?

Тикшерүчеләр беренче чиратта саву җиһазлары, сөт суыту савытлары, кардаларда салам, су эчү җайланмалары булу-булмавына, көтүлекләрдә санитар нормалар үтәлешенә, ветеринария хезмәте күрсәтү, ясалма орлыкландыру пунктлары торышына игътибар иттеләр. Комиссия «Вилданов Г.М.» крестьян-фермер хуҗалыгында малларның җәйләүгә тулы әзерлек белән чыгарылуын, моның өчен бик күп эш башкарылганлыгын билгеләп үтте. «Гигант» ҖЧҖ белән «Р-Агро» ҖЧҖ җәйге лагерьлары шулай ук малларны кабул итәр өчен тиешенчә әзерләнгән. Ә менә «Ярыш» ҖЧҖдә бетерелергә тиешле кимчелекләр күренде. «Биклән» агросәнәгать комплексы лагерьларының әзерлеге дә тулы түгел. Биредә кардаларны чистартып салам кертәсе, сыер саву урыннары көйлисе, эшләүчеләр өчен шартлар булдырасы бар.