Язгы чәчүнең соңгы көннәре

Бөртеклеләр, бер һәм күп еллык үлән орлыклары җир куенына салынды инде. Сабан культуралары барлыгы 49566 гектар мәйданда чәчелде, бу планның 95 процентын тәшкил итә. Район басуларының 14550 гектарына язгы бодай, 13590 гектарга арпа, 2570 гектарга борчак, 6500 гектарга бер еллык үлән, 3600 гектарга шикәр чөгендере чәчелде. Хәзерге вакытта аграрийлар яшелчә, бәрәңге басуларында эшлиләр. Алдагы көннәрдә карабодай, орлыкка кукуруз, рапс чәчеп бетерү бурычы тора.