Киләсе ел уңышы өчен әзерлек 

20 ноябрьгә бөртекле һәм бөртекле-кузаклы культураларның 11224 тоннасы орлыкка салынып куелды. Дәүләт орлыкчылык инспекциясе тикшергән 8496 тонна орлыкның 8485 тоннасы чистартылып, калибрланып, барлык таләпләргә җавап бирә. «Р-Агро», «Гигант» С.Сәйдәшев исемендәге, «Ирек», «Кама» агрофирмасы» хуҗалыкларында сату өчен барлыгы 7600 тонна элиталы орлык әзерләнде. 
Аграрийлар алдында хәзер 2021 ел уңышы өчен минераль ашламалар туплау бурычы да тора. Бүгенге көнгә 2329 тонна әзерләнде – бер гектарга 18,5 кг тәэсир итү матдәсе туры килә дигән сүз.