80 яшьтән соң пенсия күбрәк килә башлый

80 яшькә җиткән пенсионерлар өчен картлык буенча иминият пенсиясенең теркәлгән өлеше автомат рәвештә ике тапкырга арта. 2026 елда бу түләүнең күләме 9584,69 сумнан 19 169,38 сумга кадәр күтәрелә.

Пенсияне яңадан исәпләү өчен бернинди гариза язарга яки Социаль фондка мөрәҗәгать итәргә кирәкми. Барлык үзгәрешләр дә автомат рәвештә башкарыла. Арттырылган пенсия күләме пенсионерның 80 яшь тулган көненнән исәпләнә, ә акча гадәттә киләсе айда күчерелә башлый.

Мәсәлән, әгәр пенсионерның туган көне май аенда булса, ул инде июньдә үк пенсиясен арттырылган күләмдә алачак. Алдагы айларда да түләүләр шул ук тәртиптә дәвам итәчәк.

Бу кагыйдәнең искәрмәсе дә бар. Беренче төркем инвалидлыгы булган пенсионерларга теркәлгән түләү инде моңа кадәр үк арттырылган була, шуңа күрә аларга өстәмә икеләтә арттыру каралмый. Моннан тыш, әлеге үзгәрешләр социаль пенсия яки туендыручысын югалту сәбәпле пенсия алучыларга кагылмый.

Социаль ярдәм чаралары турында тулырак мәгълүматны Социаль фондның рәсми сайтында һәм социаль челтәрләрдәге рәсми битләрендә табарга мөмкин. Сораулар туган очракта гражданнар 8 800 100 00 01 номеры буенча бердәм контакт-үзәккә мөрәҗәгать итә ала. Шалтырату бушлай, линия тәүлек әйләнәсе эшли.

Россия Социаль Фондының ТР буенча бүлекчәсе