Рус Тат

20 ноябрь 2019 яңалыклары

20 ноябрь 2019
Татарстанда 25 градуска кадәр суытачак

Синоптиклар мәгълүматлары буенча, 21 ноябрьдә Россиянең Европа өлешенә метеорологик кыш киләчәк.
20 ноябрь 2019
Профилактик чара

Һәр елны ноябрь аеның өченче якшәмбесендә бөтен дөнья күләмендә юл-транспорт һәлакәтләре корбаннарын искә алалар.
20 ноябрь 2019
“Театраль Идел буе" фестивале финалындагы спектакльләр өчен тавыш бирү мөмкин

Иң яхшы спектакль өчен бер тәүлек эчендә 8(800)350-35-43 түләүсез номер буенча тавыш бирергә мөмкин.
20 ноябрь 2019
Сатучы да, алучы да канәгать

Чаллы шәһәрендә көзге ярминкәләр дәвам итә. Алар һәр шимбә-якшәмбе эшли һәм ел азагына кадәр дәвам итәчәк. Ярминкәләр өч мәйданда уза. Бу – ГЭС бистәсенең «Төзүчеләр» стадионында (Габдулла Тукай Яр буе урамы), «Южный» агросәнәгать паркында һәм Чулман проспектының Ипподром территориясендә. Биредә Тукай районыннан кала, Сарман, Мөслим, Минзәлә, Әгерҗе, Актаныш, Менделеевск районнарында җитештерелгән яшелчә, сөт һәм ит продуктларын, җиләк-җимеш, бал, көнкүреш кирәк-яракларын сатып алырга мөмкин.
20 ноябрь 2019
Тукай районында – әдәбият форумы

15 ноябрь көнне районда якташыбыз, танылган шагыйрь Фәннүр Сафинның якты истәлегенә багышланган «Җырымда юатырмын» дигән әдәби-музыкаль чара узды. Район башлыгы Фаил Камаев инициативасы белән быел ул икенче тапкыр үткәрелде. Районга республикабызның күренекле язучылары, шагыйрьләре килде. Данил Сәләхов, Факил Сафин, Рабит Батулла, Ркаил Зәйдулла, Фоат Галимуллин, Хатыйп Миңнегулов, Рәшит Бәшәр, Шәмсия Җиhангирова, Алмаз Хәмзин, Рубис Зарипов, Фоат Садриев, Марс Яhудин, Ләбиб Лерон, Вахит Имамов, Рөстәм Галиуллин hәм башкалар. Алар район буенча сәяхәт кылып, мәктәпләрдә укучы балалар белән очраштылар. Мәртәбәле кунаклар Яңа Бүләк авылында халкыбызның мәшhүр җырчысы Илhам Шакиров музеена да тукталдылар. Очрашу Новотроицкое авылы мәдәният йортында якташыбыз Фәннүр Сафинның туган көненә багышланган әдәби фестиваль белән тәмамланды. Анда «Серле каләм» районкүләм иҗади бәйгесенә йомгак ясалды, җиңүчеләр бүләкләнде.
20 ноябрь 2019
Тизлек арттырганнар

18 ноябрь көнне кичке сәгать 5 тулганда Яр Чаллы шәһәре – Яңа поселогы юлында «Шевроле Спарк» автомобиленә утырган 32 яшьлек хатын-кыз тизлеген арттыру сәбәпле идарә итүне югалтып, каршы юнәлештәге полосага чыга һәм «Рено Дастер» белән бәрелешә. Юл һәлакәтендә әлеге хатын-кыз үзе һәм икенче машинаның пассажиры (48 яшьлек ир-ат) тән җәрәхәтләре ала.
20 ноябрь 2019
Техника ремонтлыйлар

2020 елгы кыр эшләренә әзерлек кысаларында район хуҗалыкларында техниканы кышкы саклауга кую һәм ремонтлау барышын тикшерү узды. Комиссия хуҗалыклар тарафыннан башкарылган эшкә уңай бәя бирде. Соңгы елларда хуҗалыкларның техника сакланышын тәэмин итүгә карата мөнәсәбәтләрен яхшыртулары күзәтелә, дип билгеләп үтте комиссия әгъзалары. Барлык хуҗалыкларда да комбайннар чистартылган, юылган һәм аерым өслеккә куелган.