Быел Яңа Җирекледә яңа су линиясе сузарга планлаштыралар

Мәләкәстә үткән җыенда авыл җирлеге башлыгы Михаил Мифодеев узган елга нәтиҗәләр ясау белән бергә, халыкны 2014 елга бурычлар һәм планнар белән таныштырды. Шулай итеп, иң күләмле эшләрдән быел Яңа Җирекле авылында «Чиста су» программасы кысаларында су кертү (бу эш 5,9 млн сумга төшәчәк), урам утларын булдыру (Мәләкәстә - 10, Иске Җирекледә 15 баганага ут кую планлаштырыла), Иске Җирекле авылы мөселман зиратын койма белән әйләндереп алу, шулай ук Иске Җирекледә Кольцевая, Западная, Луговая урам юлларын ремонтлау бурычы тора.