Пенсия исәпләүләр дөрес булсын өчен документларны вакытында китерергә кирәк

Район Пенсия фонды идарәсе соңгы җиде елда хезмәт стажлары турында мәгълүматларны тикшерә, бу алга таба хезмәт пенсиясен дөрес билгеләү өчен кирәк. 2008 елның 30 декабрендә кабул ителгән 319нчы РФ федераль законы нигезендә, хезмәт стажы турында мәгълүматларны тикшерү 2013 елның 1 гыйнварына кадәр кыскартылды.

Район Пенсия фонды идарәсе эш бирүче аша яисә яшәү урыны буенча документлар (хезмәт кенәгәсе, хәрби билет, белешмәләр) соратып, искәртү кәгазьләре җибәрә. Әлеге нәүбәттән идарә хезмәткәрләре, мәгълүматлар тулы һәм дөрес булсын өчен, соратылган документларны искәртү кәгазьләрендә күрсәтелгән вакытка китереп бирүләрен сорый.