Котлыйбыз!

30 июня 2017, 08:00

586

Калмаш авылында гомер итүче иң кадерле кешеләребез - әниебез Фәйрүзә Салихҗан кызы һәм әтиебез Рифкат Рәфәит улы Сәгыйровларның бергә тормыш корып яши башлауларына 25 ел.

Кадерлеләребез, сезне чын күңелдән гомер бәйрәмегез белән котлыйбыз. Сезгә булган тирән хөрмәт хисләребезне һәм рәхмәтебезне сүз белән генә әйтеп бирергә мөмкин түгел. Хезмәтегез тынгысыз булуга карамастан, безгә - балаларыгызга дөрес тәрбия, тирән белем, җан җылысы бирдегез. Безне сөеп-назлап, яратып, җил-давыл тидерми саклап үстердегез. Безнең өчен һәрчак үрнәк сез, эш сөючән, кешеләргә, туганнарга ихтирамлы һәм ярдәмчел булдыгыз, безне дә шуңа өйрәттегез.

Сезгә ныклы сәламәтлек, шатлык-куанычлар белән тулы озын гомер, пар канатлар, гаилә бәхете телибез! Киләчәктә дә хәзергедәй шат, киң күңелле, ачык йөзле, мәрхәмәтле, олы йөрәкле булып калыгыз.

Әтиебез, әниебез -

безнең кадерлеләребез,

Без бәхетле жирдә сез барга.

Фәрештәләр кунсын иңнәрегезгә

Бәйрәмегез белән котларга.

Изге теләкләрдән, назлы сүздән башка

Табып булмый затлы бүләкне.

Безнең өчен бик тә кадерле сез,

Бик тә якын, бик тә кирәкле.

Егерме биш ел иңне-иңгә куеп,

Бергә тартып тормыш арбасын,

Бер-берегезне сөеп, безгә үрнәк булып

Һәрчак туры юлдан барасыз.

Әни булган йортның бәхете зур,

Әти анда - олы бер терәк.

Бу дөньяда авырлыклар күрми

Яшәр өчен безгә сез кирәк.

Әти-әни, күңелегез шундый изге,

Булыгыз сез озын гомерле.

Без бурычлы сезнең алда,

Сез хөрмәтле, безгә кадерле.

Без телибез сезгә олы бәхет,

Тату гомер, бетмәс шатлыклар.

Парлап барыр юлыгыз озын булсын,

Ашыкмыйча килсен картлыклар.

Иң изге теләкләр белән, сезне чиксез яратып, кызыгыз Зөһрә, улыгыз Рамил һәм барлык туганнар.

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса

Котлыйбыз!

Оставляйте реакции

Расскажите друзьям

Нет комментариев