Якты юл
  • Рус Тат
  • Велосипедчының гомере өзелде

    Узган шимбәдә Яр Чаллы - Бәтке - Прости юлының дүртенче километрында кичке сәгать биш тулганда җиңел машина һәм велосипед катнашында юл-транспорт һәлакәте булды, дип хәбәр итә район буенча ЮХИДИ башлыгы Шамил Ганиев.

    "Рено Сандеро" машинасы руле артына утырган 43 яшьлек хатын-кыз тизлекне тиешледән арттыра һәм каршыга килүче велосипедчыны бәрдерә, аннары юлга чыгып әйләнә. Бәтке авылында яшәгән 79 яшьлек велосипедчы ир-ат фаҗига урынында ук җан бирә.
    Руль артындагы хатын-кызның йөртү стажы 15 ел, 2013 елда административ җаваплылыкка да тартылмаган. Ләкин, кызганычка каршы, ул көнне юл йөрү кагыйдәләрен бөтенләй үтәмәгән: тизлеген арттырган, куркынычсызлык каешын эләктермичә барган, шул сәбәпле үзе дә шактый җәрәхәтләр алган. Шулар өстенә, алкогольле эчемлек тә кулланган булган. Иң аянычы - бу сәбәпләр бер гаепсез ир-атның гомере өзелүгә китергән.

    Иң мөһим һәм кызыклы язмаларны Татмедиа Telegram-каналында укыгыз


    Теги: undefined
    Нравится
    Поделиться:
    Реклама
    Комментарии (0)
    Осталось символов: