Якты юл
  • Рус Тат
  • Тагын бер скутерчының гомере өзелде

    25 июнь көнне Яр Чаллы - Дубки ял базасы юлында тагын бер скутерчының гомере өзелде.

    Фаҗига трассаның өченче километрында кичке сәгать тугыз тулганда килеп чыга. Ял базасына таба зур тизлектә хәрәкәт итүче "ВАЗ-21093" машинасына утырган Чаллыда яшәүче 18 яшьлек егет каршы полосага чыга һәм скутер белән бәрелешә. Ә анда шулай ук чаллылылар - рульгә 21 яшьлек егет һәм пассажир урынына 36 яшьлек ир утырган була. Кызганычка, берсенең дә шлемы булмый. Скутерчы шунда ук үлә, ә пассажирның баш мие җәрәхәтләнә, кабыргалары, аягы, борына сына. Ул шунда ук БСМПга озатыла. Рульдәге егет 2013 елда дүрт тапкыр административ җаваплылыкка тартылган, җитмәсә, кагыйдә бозган өчен 20 айга транспорт йөртү хокукыннан да мәхрүм ителгән була. Күрәчәгенә каршы, ул шул килеш скутерга утырып чыгып китә.

    "ВАЗ-21093" белән идарә иткән егет машина йөртүгә хокук бирүче таныклыкны да әле сигез ай элек кенә алган була. Шул арада инде юл йөрү кагыйдәсен бозган өчен дүрт мәртәбә административ җаваплылыкка тартылырга өлгерә. Өйрәнү вакытында, югыйсә, һәр кагыйдәне үтәп, сакланып кына барырга кирәк тә бит - яшьлеге беләнме, башка сәбәптәнме ул бу турыда уйлап бетермәгән. Нәтиҗәдә - әле яшисе дә яшисе булган яшь егетнең гомере өзелгән, икенчесе никадәр җитди тән җәрәхәтләре алган.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: