Штрафны вакытында түлә

Моның өчен транспорт хуҗаларына 70 көн вакыт бирелә. Карар үз көченә кергәннән соң 20 көн эчендә өлгерсәң, билгеләнгән сумманың яртысын гына түләргә туры киләчәк. Әгәр 70 көн эчендә дә түләмәсәң, штраф күләме икеләтә артачак. Я булмаса, хокук бозучыны мәҗбүри эшләргә тартачаклар яки 15 тәүлеккә кадәр кулга алачаклар. Суд приставлары түләнмәгән сумманы мәҗбүри рәвештә түләтәчәк.
Шулай ук бурычлыны Россия Федерациясе чикләреннән дә чыгармаска мөмкиннәр. Штрафны беркетмәдә күрсәтелгән реквизитлар буенча банк аша, Интернеттан, мобиль кушымталардан, дәүләт хезмәтләре күрсәтү порталыннан түләргә була. 
Юл йөрү кагыйдәләрен бозмагыз. Бу, беренчедән, үзегезнең һәм тирә-яктагыларның куркынычсызлыгын тәэмин итсә, икенчедән, кесәгездәге акчаны да янга калдырачак.