Мопедка таныклыксыз утырма

автор, 6 май 2014 - 12:04

563

Мопед һәм скутерлар белән идарә итү өчен хәзер мондый төр транспорт чараларын йөртүгә хокук бирүче таныклык кирәк һәм «М» категориясен алу өчен 16 яшь тулган булырга тиеш. Таныклыгы булмаганнар Административ хокук бозулар турындагы кодексның 12 маддәсе нигезендә җаваплылыкка тартыла. Алкогольле эчемлекләр кулланып мопед яки скутер руле артына утыручылар да исерек...

ЮХИДИ инспекторлары мопед яки скутер белән идарә итүчене туктаткан очракта паспортын сорарга (18 яшькә кадәргеләрнең), сату-алу килешүен һәм транспорт чарасының техник паспортын таләп итәргә хокуклы.

Закон эшли башлаганнан соң әлегә районда бу төр хокук бозу белән ЮХИДИ инспекторлары кулына эләгүчеләр юк, дип белдерәләр район ЮХИДИ бүлегеннән. Статистикадан күренгәнчә, язгы чорда мопедчылар һәм скутерчылар катнашындагы аварияләр аеруча еш була, шуңа күрә юл хәрәкәте иминлеген саклаучылар кагыйдәләрне үтәп, сак йөрергә чакыралар.