Ике ай эчендә республикада биш бала юл-транспорт һәлакәтендә үлгән

автор, 17 март 2014 - 10:52

600

Бүгеннән республикада «Бала - иң мөһим пассажир» дигән акция башланды. Ул 21 мартка кадәр дәвам итәчәк. Искәртеп үтәбез, 12 яшькә кадәрге балалар автомобиль салонында мәжбүри рәвештә махсус креслода барырга тиеш. Акция барышында машина йөртүчеләрнең әлеге кагыйдәне үтәвенә аеруча зур игътибар биреләчәк. Чөнки машинада утырган баланың куркынычсызлыгы нәкъ менә йөртүчедән тора....

Агымдагы елның ике ае эчендә республика юлларында балалар катнашындагы 55 юл-транспорт һәлакәте теркәлде. Аларда 5 сабыйның гомере өзелде, 66сы төрле дәрәҗәдә тән җәрәхәтләре алды. Үлүче балаларның барысы да пассажирлар, дип хәбәр итә район буенча ЮХИДИ бүлеге.