Игътибар – балаларга

admin, 24 март 2020 - 10:10

851

ЮХИДИ хезмәткәрләренең чираттагы «Тоннель» рейды Калмаш авылында үтәчәк.

Инспекторлар юл йөрү кагыйдәләрен бозучыларны ачыклауга 25 март көнне 16 сәгатьтән 18 сәгатькә кадәр чыгачак. Алар балаларның махсус креслода алып барылуын тикшерәчәк. 2020 елда районда әлеге кагыйдәне бозган 69 йөртүче административ җаваплылыкка тартылган.
19 марттан 31енә кадәр, язгы каникуллар вакытында, ЮХИДИ хезмәткәрләре «Бала - иң төп пассажир» дигән чара уздыра. Алар яшь пассажирларны автомобиль салонында алып бару кагыйдәләренең үтәлешенә игътибар итәчәк. Алгы утыргычта баручы 12 яшькә кадәрге балалар һәм артта баручы 7 яшькә кадәрге балалар махсус утыргычта булырга тиеш. 12 яшьтән олыракларга куркынычсызлык каешын тагу шарт. Бу кагыйдәне үтәмәгән машина йөртүче 3000 сум күләмендә штрафка тартыла.