Якты юл
  • Рус Тат
  • Бер юлда ике һәлакәт

    Яр Чаллы - «Дизелист» юлында үткән ике тәүлектә ике юл-транспорт һәлакәте теркәлде. 25 май көнне көндезге сәгать 2дә «Боровинка» бакчачылык ширкәте каршында «Газель» машинасы 29 яшьлек ир-атны бәрдерде. Автомобиль йөртүче дә тизлекне кирәгеннән арттырган, җәяүле исә юл аша ярамаган урыннан чыккан. Бик күп тән җәрәхәтләре алган җәяүле ике сәгатьтән ашыгыч...

    Яр Чаллы - «Дизелист» юлында үткән ике тәүлектә ике юл-транспорт һәлакәте теркәлде. 25 май көнне көндезге сәгать 2дә «Боровинка» бакчачылык ширкәте каршында «Газель» машинасы 29 яшьлек ир-атны бәрдерде. Автомобиль йөртүче дә тизлекне кирәгеннән арттырган, җәяүле исә юл аша ярамаган урыннан чыккан. Бик күп тән җәрәхәтләре алган җәяүле ике сәгатьтән ашыгыч ярдәм күрсәтү больницасында җан бирде.

    Икенче авария бүген төнлә булды. «ВАЗ-21093» автомобиле тизлекне арттырып каршы юнәлештәге полосага чыга һәм «Гранта» белән бәрелешә. Ике йөртүченең дә сәламәтлекләренә шактый зыян килә, алар БСМПга җибәрелә. Әйтергә кирәк, машина йөртүчеләр быел кагыйдә үтәмәгән өчен бер тапкыр да административ җаваплылыкка тартылмаган булганнар.
    Нравится
    Поделиться:
    Реклама
    Комментарии (0)
    Осталось символов: