Якты юл
  • Рус Тат
  • Балаларның юл йөрү куркынычсызлыгын тәэмин итүгә игътибар арта

    20 августтан 20 сентябрьгә кадәр районда «Игътибар - балалар!» айлыгы бара. Җәйге каникул тәмамланып, яңа уку елына аяк басканда дәүләт автоинспекциясе мондый чараны һәр елны үткәрә. Акция барышында балаларны автомобильдә алып бару, машина йөртүчеләрнең җәяүле кичүләрендә аларга юл бирүләре инспекторларның аерата игътибарында булачак. Шулай ук профилактик чаралар үтәкреләчәк, юл хәрәкәте...

    20 августтан 20 сентябрьгә кадәр районда «Игътибар - балалар!» айлыгы бара. Җәйге каникул тәмамланып, яңа уку елына аяк басканда дәүләт автоинспекциясе мондый чараны һәр елны үткәрә. Акция барышында балаларны автомобильдә алып бару, машина йөртүчеләрнең җәяүле кичүләрендә аларга юл бирүләре инспекторларның аерата игътибарында булачак. Шулай ук профилактик чаралар үтәкреләчәк, юл хәрәкәте иминлеге хезмәткәрләре мәгариф оешмаларында ата-аналар белән очрашачак, мәктәпләр һәм балалар бакчаларына керә торган урыннарда юл билгеләренең, светофорларның, төрле чикләүләрнең куелуы тикшереләчәк, дип хәбәр итә район буенча ЮХИДИ бүлеге башлыгы Шамил Ганиев.

    Быел җиде айда республикада балалар катнашындагы 319 юл-транспорт һәлакәте теркәлгән. Узган елның шушы чоры белән чагыштырганда бу 30га кимрәк. Быел аварияләрдә 11 баланың гомере өзелгән, былтыр андыйлар 16 булган. Быел - 348, узган ел 359 бала тән җәрәхәтләре алган.
    Быел гомере өзелгән 11 баланың 9ы - пассажирлар, 2се - җәяүлеләр. Бу саннар балаларын машинада алып баручы әти-әниләргә кабат-кабат уйланырга җирлек бирә. Шулай ук велосипедка, мототранспортка утырып чыгып китеп, җәрәхәт алучы балалар да бар. Андыйлар республикада 45 кеше.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: