Юлыбыз чиста

Игенче авылыннан Илсөяр Нурутдинова социаль челтәрләргә видеоязма җибәргән. Ул көн дә балаларын үз авылыннан Калмашка укырга илтә. Машинада үзе йөргәч, юлларның чиста булуына аеруча игътибар итә. «Кар бик күп яуса да, шундый яхшы итеп чистартканнар, түзмәдем, видеога төшердем», – дип уртаклашты ул. «Менә безнең юлларны ничек чистарталар. Рәхмәт! Алга таба да шулай эшләсеннәр», – дип сөйли ул кадр артында. Видеода юлның, чыннан да, чиста, тигез, иркен икәне күренә. Сез дә кызыклы видео һәм фотоларны 89173981983 номерына җибәрегез!