Язгы чакырылыш бара

Яшьләр коры җир гаскәрләрендә, хәрби-диңгез флотында, һава-космик көчләрендә, һава-десант гаскәрләрендә, милли гвардия гаскәрләренең федераль хезмәтендә һәм башка гаскәрләрдә хезмәт итәчәк. Язгы чакырылышта медицина комиссияләренә чакырылган 230 егетнең әлегә 169ы гына килгән. Повесткага җавап бирмәүчеләрне эзләү буенча хәрби комиссариат Эчке эшләр бүлеге, федераль миграция хезмәте белән берлектә эшли. Армиядән качып йөрүчеләргә закон нигезендә административ һәм җинаять җаваплылыгы каралган.