Яшь тукайлыларны төбәкара фестивальдә катнашырга чакыралар

Чаллыда «Халкым чишмәсе" дип аталган төбәкара татар яшьләре фестивале үтәчәк. Анда 15 тән алып 30 яшькәчә татар яшьләре катнаша ала. Һәркем үз күңеленә хуш номинацияне сайларга мөмкин: җыр, бию, сәнгатьле сөйләм, милли кием күрсәтү, татар халкының кул эшләре, үзенчәлекле жанр(шешәдә көй чыгару, пычкыда көй чыгару, цирк номеры һ.б.)."Шатлык" яшьләр үзәгенең яшьләр белән эшләү белгече Илүсә Әүхәдиева хәбәр итүенчә, сайлап алу туры 21-22 октябрьдә, ә фестиваль үзе 27 октябрьдә Чаллы татар Дәүләт драма театры бинасында узачак.

Чарада катнашырга теләүчеләр"Шатлык" үзәгенә мөрәҗәгать итәргә мөмкин: 39-94-85.

Фотода: Яңа поселогы мәктәбендә укучы туташлар