Яңа биокомплекс кайтты

"Кама-Бекон" ЖЧҖнә дуңгызларның тизәк сыекчасын басуларга кертү элек-электән зур чыгымнар белән бәйле иде. Быел сыекчаны уннарча юан шланглардан торган биокомплекс белән җиргә кертү җайланмасын сатып алдылар. Аның бәясе 4,5 миллион сум. Америка-Австрия фирмасы эшләгән әлеге биокомплекс сыекчаны турыдан-туры культиватор табаны астына агызып, туфрак белән каплап бара. "Без элек сыекчаны чәчүлек өстенә сибә идек. Аның күп кенә файдалы матдәсе һавага оча. Бу комплекс гаять уңайлы, елына 300 мең кубометр сыекчаны җиргә кертә ала", - ди "Кама-Бекон" җәмгыятенә караган "Камская Нива" хуҗалыгы директоры Равил Минһаҗев.