«Якты юл» газетасына интернет аша язылырга була

Газетага язылу өчен дәүләт хезмәтләре порталына керергә һәм «Россия почтасы» каталогларыннан «Якты юл» басмасын табарга кирәк. Аннары газетаны китертү юлын, ничә данәдә һәм күпме вакытка яздыруыгызны билгеләргә, элемтәгә керер өчен үзегез турында мәгълүматларны һәм адресыгызны күрсәтергә кирәк. Аннары портал аша «Россия почтасы»ның исәп-хисап счетына акчаны күчерү сорала. Шуннан соң заказ электрон юл белән сезнең почта бүлегенә җибәрелә. Ул өч көн эчендә эшкәртелергә тиеш. Аннары почта хезмәткәрләре заказның кабул ителүе, эшкәртелүе һәм сез сораган вакыттан билгеләнгән адрес буенча газетаның килә башлаячагы турында сезнең шәхси кабинетыгызга хат җибәрә. Электрон файлны эшкәрткәндә нинди дә булса аңлашылмаучылык килеп чыккан очракта, «Россия почтасы» һәм портал хезмәткәрләре, язылучы белән элемтәгә кереп, проблеманы хәл итәчәкләр. Төзәтелгән файл аннары «Россия почтасы» тарафыннан кабат эшкәртеләчәк. Электрон юл белән каталогтагы берничә матбугат чарасына бер үк вакытта язылырга мөмкин.