Вирустан кисәтәләр

Аның эшчәнлеге халыкны кисәтүгә һәм куркынычсызлык чараларын аңлатуга юнәлдерелгән. Бу вакыт аралыгында тукайлыларга 2 меңнән артык кисәтү ясалды. Шулай ук районда муниципаль мобиль төркем булдырылды. Төркем башкарма комитет хезмәткәрләреннән һәм беркетмә төзү вәкаләтенә ия ведомство хезмәткәреннән тора. Әлегә административ хокук бозу очрагы теркәлмәде. Мобиль төркем 100дән артык сәүдә объектын тикшерде. Моннан тыш, барлык авыл җирлекләре территорияләрендә көн саен полиция хезмәткәрләре тарафыннан рейдлар үткәрелә. 
Районның баш табибы Галим Сабирҗановның әйтүенчә, Тукай районында 19 майга COVID-19 вирусы расланган 20 кеше теркәлгән. 50 кеше карантинда. Бер тәүлек эчендә 10 кеше күзәтү астына алынган, шул ук вакытта 36 тукайлы күзәтүдән төшерелгән.