Ут сүнү янгын чыгуга да сәбәпче булган

автор, 3 февраль 2015 - 07:15

491

Кичә кич белән һава торышы бозылу, көчле җил-буран чыгу аркасында районның берничә җирлегендә электр белән тәэмин итүдә өзеклекләр килеп чыкты. Электр өзелү Круглое Поле поселогында ике катлы йортта янгын чыгуның да сәбәпчесе булды, дип хәбәр иттеләр редакциягә район буенча күзәтчелек эшчәнлеге бүлегеннән. Кичке сәгать 5тә ут өзелгәч, өйдә электр ярдәмендә...

Кичке сәгать 5тә ут өзелгәч, өйдә электр ярдәмендә эшли торган җылылык котелы эшләми башлый. Хуҗа кеше торбалар катмасын дип, мичкә утын яга. Төнге 12ләрдә ир-ат төтен исенә уянып китә. Астагы катта урнашкан мичтә утын янып бетмичә, бүлмә каты төтенгә уралган була. Биш квадрат метрлы бүлмәнең стена-түшәмнәренә зыян килә. Бәхеткә, төн уртасы булса да, йорттагылар вакытында өйдән чыгып калырга өлгерәләр. Ир-атның үзенә дә, сигез яшьлек кызына да зыян килми.