Тукай районында мультимодаль логоцентр төзеләчәк

Бу хакта ТР Министрлар Кабинетында узган брифингта ТР Транспорт һәм юл хуҗалыгы министры Фәрит Хәнифов хәбәр итте. Яңа логистика үзәге Яр Чаллы һәм Түбән Кама шәһәрләренә йөз тотачак.

«Логистика үзәкләрен булдыру буенча актив эш алып барыла, югыйсә безнең юллар, күпме генә төзсәк тә, тыгызланачак. Логистика үзәкләре елга буенча да, тимер юл буенча да, автомобиль юллары буйлап да агымнарны яңадан бүлеп бирә алалар», — дип хәбәр итте Хәнифов.