Тәҗрибә уртаклашырга – Венгриягә 

Апрель башында район башлыгы Фаил Камаев җитәкчелегендә авыл хуҗалыгы белгечләре делегациясе терлекчелек тармагында алдынгы технологияләрне өйрәнү өчен Венгриягә барачак. Соңгы елда районда нәселле терлекләр аерым иътибарда. Районның өч предприятисе – «Ирек» хуҗалыгы, «Тукай азык-төлек корпорациясе», Миңнехуҗин крестьян-фермер хуҗалыгы Венгриядән нәселле таналар алып кайтты. «Гигант», «Ярыш» һәм Сәйдәшев исемендәге хуҗалыклар да киләчәктә венгр таналарын кайтартырга уйлый.