Территорияңне тәртиптә тот

2012 елның икенче кварталында ТР Административ хокук бозулар турындагы кодексының "Урамда сату оештыру тәртибен бозу турында"гы 3.2 маддәсе һәм "Муниципаль районнарны һәм шәһәр округларын төзекләндерү кагыйдәләрен бозу турында"гы 3.6 маддәсе буенча район административ комиссиясе тарафыннан 30 беркетмә каралды. Барлыгы 50500 сум күләмендә штраф салынды. Икенче кварталда территорияләрне төзекләндерү кагыйдәләрен үтәмәү аеруча еш күзәтелде. Хокук бозуның мондый төре өчен гражданнардан - 2000нән 5000 сумга кадәр, вазифадагы затлардан - 15000нән 30000 сумга кадәр, юридик затлардан 50000нән 200000 сумга кадәр штраф түләтү каралган.