Теләнче Тамак авылы яшь артистлары «Иделкәем» фестивалендә катнашты

Күптән түгел генә Теләнче Тамак авылы халык театры иярчене булган балалар театр коллективы Мөслимдә уздырылган республикакүләм «Иделкәем» фестивалендә катнашты. Балалар башкаруында Галимҗан Гыйльмановның «Булат нигә яхшы укый» әкияти тамашасы куелды. Тамашаның режиссеры - Райлә Закирова. Балаларның чыгышына мәртәбәле жюри әгъзалары тарафыннан зур бәя бирелде. Районыбыз данын яклаучы Теләнче Тамак авылының нәни үзешчән артистлары Диплом белән бүләкләнде. Рольләрне зур осталык белән башкарган балаларга - Айсылу Лотфуллинага, Ислам Камаловка, Гөлназ Хикмәтуллинага, Алсу Шаһиевага алга таба да уңышлар теләп калабыз!