Техника әзерлеген тикшерәләр

Бүген район башлыгы В. Хаҗиев, хакимиятнең һәм башкарма комитетының бүлек җитәкчеләре, авыл хуҗалыгы һәм азык-төлек идарәсе белгечләре составындагы комиссия, аерым төркемнәргә бүленеп, хуҗалыклардагы техниканың язгы кыр эшләренә әзерлеген тикшерә. Мәгълүм ки, 10 апрельдә сишәмбе көнне Татарстан Авыл хуҗалыгы һәм азык-төлек министрлыгы вәкиле Р. Гыйниятуллин катнашындагы комиссия язгы кыр эшләрендә катнашасы тагылма техниканың һәм тракторларның әзерлеген уңай бәяләде. "Гигант", "Чаллы яшелчәсе", "Алмаз", Сәйдәшев исемендәге, "Биклән" "Камская Нива" хуҗалыклары механизаторларының аеруча яхшы эшләүләре билгеләп үтелде.

Бүгенге комиссия төп хуҗалыклардан тыш, крестьян-фермер хуҗалыклары техникасын җентекләп карап, аларның әзерлегенә бәя бирәчәк, ачылган кимчелекләрне кичекмәстән төзәтү чаралары күрәчәк., дип хәбәр иттеләр авыл хуҗалыгы һәм азык-төлек идарәсеннән.