Якты юл

Тукай районы

18+
Рус Тат
2024 - Гаилә елы
Яңалыклар

Татарстанга җил-давыл якынлаша

Республика территориясендә төнлә җилнең секундына 26 метрга кадәр көчәюе көтелә.

Татарстанда шторм кисәтүләре игълан ителде. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсендә хәбәр иттеләр.

«18 февральдә кич белән һәм 19 февральдә төнлә Татарстан Республикасы территориясендә төньяк җиленең секундына 21-26 метрга кадәр көчәюе көтелә» , – диделәр идарәдә.

Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә республика халкына һәм кунакларына һава торышы начар булганда куркынычсызлык чаралары турында искә төшерәләр.

Реклама

Урамда булганда, бина эченә керергә тырышырга кирәк. Агачлар астында яки йорт диварлары кырыена качарга кирәкми, чөнки җил агач ботакларын сындырырга, түбәне яки андагы карны алып атырга мөмкин. Электр тапшыру линияләре астында булу һәм өзелгән үткәргечләргә якын килү үлем куркыныч белән яный.

Машина йөртүчеләргә ерак юлга чыгудан һәм торак пунктлардан читкә китүдән тыелып торырга кирәк. Хәрәкәт вакытында тизлек режимын сакларга, кискен үзгәртеп коруларны һәм кинәт тормозга басуны булдырмаска киңәш ителә.
 

 

Следите за самым важным и интересным в Telegram-каналеТатмедиа

"Якты юл" газетасына язылыгыз һәм Тукай районындагы яңалыкларны, вакыйгаларны белеп торыгыз

https://podpiska.pochta.ru/press/%D0%9F9499

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X