Суга рөхсәтсез тоташуны законлаштырырга бер ай вакыт бирелә

автор, 4 июнь 2014 - 07:05

743

Су белән тәэмин итү челтәренә үз белдегең белән рөхсәтсез тоташу су бирүдә өстәмә көчләр таләп итә, бу су басымының кимүенә китерә. Мондый очракларны бетерү максатыннан 1 июньнән 1 июльгә кадәр «Яңа» коммуналь челтәрләре, «Татарстан» коммуналь челтәрләре» суүткәргечне тишеп законсыз тоташкан абонентларны теркәү буенча айлык игълан итә. Суны рөхсәтсез агызучыларга бу чорда үз хаталарын төзәтү, ягъни суга тоташуларын законлаштыру мөмкинлеге бирелә. Бу вакытта райондашлардан штраф та алынмый, исәпләү приборларына пломба салу да бушка башкарыла. Айлык тәмамланганнан соң да суга тоташуын теркәми калганнар җитди штрафларга тартылачак һәм үткән алты ай дәвамында торбадан тәүлек буена никадәр су килүенә карап эчә торган су өчен өстәмә түләү исәпләнәчәк. Бу эшләрнең барысы да районда су белән тәэмин итүне яхшырту ниятеннән башкарыла.

Суга тоташуларын законлаштырырга теләүчеләр «Яңа» коммуналь челтәрләре, «Татарстан» коммуналь челтәрләре» предприятиеләренең абонент бүлегенә килә алалар. Оешманың адресы: «Татарстан» совхозы поселогы, Попов урамы, 3нче йорт. Телефоны: 30-91-28. Шулай ук суны рөхсәтсез алучылар турындагы хәбәрләрне 30-91-28, 30-94-08 телефоннары аша җиткерергә була.