Софья Морозова Бөтенроссия татар фольклоры фестиваленнән икенче урын яулап кайтты

27-30 июль көннәрендә Болгар дәүләт тарихи-архитектура музей-тыюлыгында «Түгәрәк уен» Бөтенроссия татар фольклоры фестивале узды. Анда Россиянең 17 төбәгеннән һәм Татарстанның 6 районыннан килгән иҗат коллективлары, җырчы, сәнгатькәрләр - барлыгы 560 кеше катнашты. Районыбыздан «Питрау» коллективы һәм Кнәз авыл җирлегеннән «Айбагыр» ансамбле солисткасы Софья Морозова бу зур чарага бик җитди сайлау узып чакыру алдылар һәм уңышлы чыгыш ясадылар. Софья Морозова Бөтенроссия татар фольклоры фестиваленнән икенче урын яулап кайтты. Ул анда «Пәнәче урамы», «Чуклы тал» җырларын башкарды, дип хәбәр иттеләр район мәдәният бүлегеннән.