Селфи куркыныч була аламы?

автор, 30 сентябрь 2015 - 12:41

838

Соңгы арада үз-үзеңне фотога төшерү вакытында (селфи) яшьләр арасында бәхетсезлек очраклары арту сәбәпле, «Шәфкать» халыкка социаль хезмәт күрсәтү үзәге белгечләре әлеге темага махсус дәрес уздырды. Анда 9-14 яшьләрдәге, җәмгысы унҗиде бала катнашты. Очрашу барышында без балаларга һәм яшүсмерләргә уңышсыз чыккан селфи фотоларының җыелмасын күрсәттек. Сүз уңаеннан, аларның күңелле, кызык булуыннан...

Әйтик кыргый хайваннар, автомагистральләрдә, тимер юлда, гадәттән тыш хәлләр вакытында саксызлык һәм аңсызлык нәтиҗәсендә ясалучы әлеге селфи-фотолар кеше тормышы өчен зур куркыныч тудыра. Бу хакта очрашуда катнашучы балалар белән кызыклы әңгәмә килеп чыкты. Аның ахырында без селфи кеше гомеренә янамаса, әлеге шөгыльгә бәйлелек тудырмаса, әлбәттә, бу нормаль, хәтта кызыклы күренеш дигән уртак бер фикергә килдек. Очрашуны исә күңелле видеофильм карау, Россия эчке эшләр бүлегенең селфига кагылышлы буклетын тәкъдим итү белән тәмамланды, дип хәбәр итте «Шәфкать» халыкка социаль хезмәт күрсәтү үзәге психологы Эльмира Закирова.

P. S. Фотоларны «Вконтакте» социаль челтәрендәге «Якты юл» («Светлый путь») газетасының рәсми төркеменнән (http://vk.com/club54482574) карый аласыз. Безнең белән калыгыз!