Саннарда кеше язмышлары

Бу хакта ТРсы Премьер-министры урынбасары, ТРсы Министрлар Кабинеты Аппараты җитәкчесе, юл хәрәкәте иминлеген тәэмин итү буенча ТРсы Хөкүмәт комиссиясе рәисе урынбасары Шамил Гафаров рәислегендәге, юл хәрәкәте иминлеген тәэмин итү буенча ТРсы Хөкүмәт комиссиясенең күчмә утырышында әйтелде.

Мисал өчен, Татарстан территориясендә 1,5 мең авария теркәлгән, аларда 114 кеше һәлак булган һәм 1,8 меңе яраланган.

Узган елның шул ук чоры белән чагыштырганда, юл-транспорт һәлакәтләре саны 43кә арткан, шул ук вакытта һәлак булучылар саны 14 кешегә һәм яраланучылар саны 8 кешегә кимегән.

6 ай нәтиҗәләре буенча Тукай районындагы автомобиль юлларында 29 авария булган. Аларда бер бала һәлак була, 51 кеше яралана. Узган елның шул ук чорында 34 юл-транспорт һәлакәте теркәлгән, аларда 7 кеше һәлак булып, 54е зыян күргән.