Салым инспекциясендә ачык ишекләр көне

15 һәм 16 март көннәрендә РФ Салым инспекциясе салым түләүче физик затлар өчен ачык ишекләр көне үткәрә. Республиканың барлык территориаль салым инспекцияләре 15 март көнне, җомга, 9.00дән 20.00 сәгатькә кадәр, 16 мартта, шимбә, 9.00дән 16.45 сәгатькә кадәр гражданнарны кабул итәчәкләр. Чара барышында 2013 елгы декларация кампаниясе турында тулырак мәгълүмат, физик затларның кеременә салым декларациясен тутыру буенча киңәшләр алырга була.

Испекция хезмәткәрләре ул көнне кемгә нинди срокта декларация тапшырырга, керемнән тотылган акчаны ничек кайтарырга, онлайн-сервистан ничек файдаланырга икәнен аңлатачаклар һәм башка бик күп сорауларга җавап бирәчәкләр.

Теләүчеләр, документлары булган очракта, урында ук НДФЛ буенча декларация тапшыра алалар.