Саксызлык гаепле

Быелгы җәйдә сулыкларда батып үлү очраклары ешайды. Фаҗигаләрнең төп сәбәбе - су коену кагыйдәләрен үтәмәү. Май-июль айларында гына да район территориясендә бер-бер артлы ике фаҗига булды. 8 майда Алабуга шәһәреннән килгән 1964 елгы ир-ат Первомайкада батып үлә, 12 июльдә Иштирәк авылына кунакка килгән 1977 елгы балыкчының гомере өзелә. Су коену урыннарында куркынычсызлык кагыйдәләрен төгәл үтәргә, сулыкларда ял иткәндә сак булырга кирәк, дип кисәтә ТР Гадәттән тыш хәлләр министрлыгының район буенча әйдәп баручы консультанты Р. Гыйльмуллин.